Aurten, lehen hilabeteetan, prototipo bakoitzaren formulazioak doitzen jardun dugu, kasu bakoitzean nahi genituen kalitate-ezaugarriak eta ezaugarri organoleptikoak lortu arte. Horrez gainera, formulazio-doikuntza ugari egin dira; alde batetik, ahalik eta esne-gazur kantitate handiena erabiltzeko, eta, bestetik, prozesatze-beharrak minimizatzeko, gero EAEko elikagai-industria txikietara eta gaztandegietara ahalik eta inbertsiorik txikienarekin transferitu ahal izateko.

 

  • Xerratan moztu daitekeen esnekia (gazta urtuaren barraren motakoa). Xerratan moztu ahal izateko eta manipulatzeko bigunegia ez den testura bat lortzen eta zaporea eta aroma hobetzen saiatu dira. Nahaste-gaztatatik datozen alderantzizko osmosi bidezko esne-gazuraren kontzentratuekin egin da lan, batez ere.

 

  • Gazta-zaporeko saltsa. Fase-bereizketa saihesteko eta testura eta aroma hobetzeko ahalegina egin da, baita aplikatzen zaion tratamendu termikoaren prozesaketa erraztekoa ere. Alderantzizko osmosi bidezko kontzentratuekin —ardi-gaztarenak nahiz nahaste-gaztarenak eta aurretik koipegabetu gabeak— lan egin da.

Formato de presentación del producto elaborado

  • Edari esneduna eta fruta-zukuduna. Azken konposizioa definitu da, esne-gazuraren zapore gaziak fruta-zukuen zapore gozoekin konbinatzeko. Esne-gazureko partikula xeheak ezabatzeko eta esne-gazura koipegabetzeko aurretiko prozesu bat ere egin da, nahi ez diren zaporeak eta produktuan hondarrak sortzea edo partikula solidoak egotea saihesteko. Dastatze zabalagoetarako eskalatzeak hasi dira. Ardi-, behi- eta nahaste-esnearen alderantzizko osmosi bidezko nahiz ultrairagazketa bidezko kontzentratuekin erabili da, bai likidoa, bai hautsa.

Primeras pruebas de escalado de la bebida láctea con zumo

  • Produktu-hauts disolbagarria. Ondoen onartutako zaporeak hautatu ziren dastatze bidez; lehenbizi, txokolatea aukeratu zen eta, gero, kafea. Dastatze zabalagoetarako eskalatzeak hasi dira. Esne-gazur osoaren hautsa eta WPC35 proteina-kontzentratua erabili dira.

Catas de producto sabor chocolate y sabor café

Prototipo guztiek dute esne-gazura: hauts-prestakinek % 21, saltsek % 70eraino eta edariek eta gaztek % 45-50. Beraz, azpiproduktu hori ondo aprobetxatzen da, eta proiektuan ezarritako helburuen arabera.

Nahiz eta dagoeneko saio batzuk egin diren produktuen balio-bizitza kalkulatzeko —edarien eta gazta-saltsena, kasu—, berriro egingo dira proba horiek, eskalatzean aurreikusitako produktu-kantitateak lortzen direnean.

 

 

 

 

 

Share